اجمل مشكل من الابوذيات والمسجات والدارمي
الك بس هل دمع عيني والك صب
والك ساس بوسط روحي والك صب
سهم حبك دخل گلبي والك صاب
دليلي وصار طشارة بإدية
*********
ورده اصبحت هالروح تذبل بدونك شنهو الحياة بغير شوفت عيونك>>احبك
*********
حبيبتي طاوس والوانها جذابة بل الكلب هيا تعيش والرمش واهدابة اتحدى كل من شافها يسيطر على اعصابة
*********
تحس بيه وأحس بيك وأضل بالروح شاريك لودنياك ضاقت بيك تعال بكليبي اخليك
**********
طبع بالكاع صار سنين وسنين
تكسر بالكلوب وتاخذ الزين
عليها الناس تمشي اشكال والوان
بس تختار ياهو اليترس العين
*********
احبك ياكريم الذات احبك يانظر عيني
وضل وياك روح بروح خاف تكول ناسيني
*********
عندك عسل بشفاك خليني اضوكة *** لو مارضيت اليوم بالغفلة ابوكة
*********
الدنيا وكل الكون
منك ضواهم
وكل البشر يبجون
نوركم عماهم
*********
سعيد الي وصل حيهم وشافة
وعونة الي قبل اخدودة وشافة
الهي من المرض طيبة وشافة
فقير ولا تمسة بكل اذية.
*********
جاوبني هسه بساع ونطيني رأيك بعدك تعزني هواي لو خبط مايك
*********
لاتزعل وتحتار لو غبنا عنك كل الادلة اتكول ماكو اغلى منك
*********
ينتل حبيب الروح تيارة عالي شما تكثر النتلات يبقى اغلى غالي
*********
ضلمة وتدور اعليك روحي شجاها متولعة بيك اسنين خلها بهواها
*********
أعذرني لو رمشت طبع اليحب مجنون الورد بس الآسم وانت الآسم واللون
*********
تعال وشوف جم جرح بيه
مو بس القلب مجروح حتى الروح ممليه
ياس خضر ما بجاك من تسمع اغانيه
تدري من يكول عزاز نار وتشتعل بيه
*********
عود ابتعد و انساك كل هذا ظنك و الله الكلب كلساع يسالني عنك
*********
كـل عقلك آني أنساك وأعشقلي ثاني انت القلب والروح يعني أنت أني ..
*********
تسالني كل الناس عن امنياتي ....اتمنى بس وياك تخلص حياتي
*********
بوسه من شفافك ارد افوز اشلون؟
سبحان الخلقه شلون مدروسه
ولان شفتي وخدودي اتسابقن علفوز
فز گلبي وغلبهن حصل البوسه
*********
مرتبط قلبي وياك والنبض منك
..هم تعتقد يوم انساك واتخله عنك
*********
لا تصدك ارحل وادير الوجه ما اسئل
لا تصدك امل منك وانسى العشره واتبدل
*********
القلب من يشتاق شوقه مصيبه ومحبوبي حيل بعيد من وين اجيبه؟؟؟؟؟؟
*********
هاكبد ها معلاك ها جلوة نصين قلبي واعضائي ارتاح من شفنة هل عين
*********
بالركبة بالوجنات بالشفة بالعين وياك اضل محتار بوسة اخذ منين
*********
كل لحضة مو كل يوم لعيونك اشتاك خايف تضل بعيد ويكتلني الفراك
*********
كافي تعذب الروح دوخني حُبك لاتظن اني انســاك لا وحق ربك
*********
اخجل ادك اعليك خايف تملني بس كلبي نص الليل عنك سألني
*********
صح الجبل صخر لكن شامخ وعالي وصح القلب دم ولحم لكن بيه شخص غالي
*********
اذا بس مره احبك كلشي ماسويت واذا مليون احبك يعني ما احبك يمعود دخفف من جمال البيك الاوادم من حلاتك كامت اتسبك
*********
لو تدري روحي شلون بعدك حزنها
مثل التشيط كبال تابوت ابنها
*********
تستاهل انطيك الگلب وانطيك ماي العين وماريد منك ثمن بس شوفتك يازين
*********
من جنت زغير جدو كلي الحب عذاب بس لمن كبرت وشفتك عرفت شكد جدو جذاب
*********
لا تسال المشتاك اسأل جروحة تلكى الجواب يكول بس انته روحه
*********
وكًًًع كًًَُُـلبي بغرامك ماتشيلة
وترى كلبي التعذب مات شيلة
اخابر وانتة تسمع ما تشيلة
وينك يا حلو بس رد عليه
*********
انة الراهم عليك شلون متريد..
مثل مايرهم الخاتم باصبعك..
اذا حبك جلد ومغطي العظام,
كللي شلون من عظامي انزعك؟؟
*********
كون العمر بستان وانته الورد بيه.. كل مايريد الماي من عيني لسكيه
*********
لاجلك لشيل سلاح واركب البطه وليحجي كلمه وياك بالجنطه احطه
*********
واضن شفته وعرفته من سكنته وجنت عنهم تميزه من سكنته لان جان اعتبارك منسك انته وفرض واجب محبتك بس عليه
*********
بنيان الك بالقلب ساف اعلى من ساف
والقلب مثلك ابد لاحب ولا شاف
*********
دمع عيني اعتقد بجفاك وشل
وجرحي مايفيده ضماد وشل
لون اعضاي كلهه تموت وشل
اضل بهواك لاخر نفس بيه
*********
احبك لاتكول اشلون احبك واليكون ايكون احبك لاتظن انساك لاجلك كل عذاب يهون
*********
عزيز وغابت حروفه فقدنا الصوت والشوفه عجيب الهجر مو طبيه اكيد العيب بظروفه
*********
ارسل عيوني هدية والتمس منك قبول لاتظن قلبي نساكم هو من حبكم خجول
*********
موضوع: اجمل مشكل من الابوذيات والمسجات والدارمي 
السبت سبتمبر 25, 2010 6:08 pm
